KATTA YOSHDAGILAR KASALLIKLARIDA REABILITATSIYA

Abstract

Kirish. Kasalliklar ichida eng ko‘p uchraydiganlari, bu yurak-qon tomir tizimi kasalliklari, shular jumlasidan, stenokardiya, miokard infarkti, yurak ishemik kasalligi, yurak tug‘ma va orttirilgan illatlari (poroklar), shuningdek, nafas a’zolari o‘tkir va surunkali kasalliklari (bronxit, zotiljam, bronxial astma, o‘pka gangrenasi va abssessi, o‘pka sili va h.k.). Bundan tashqari, ovqat hazm qilish tizimi kasalliklari ham ko‘p uchraydi. Bulardan – o‘tkir va surunkali gastrit, oshqozon yarasi kasalligi, kolit va enterokolit, jigar surunkali kasalliklari va h.k.   Bu kasalliklarga chalingan bemorlar maxsus, individual va umumiy davolashdan tashqari, reabilitatsiya choralarga ham muhtojdirlar. Reabilitatsiya muolajalari kasallik turiga, og‘irlik darajasiga va bemorning umumiy ahvoliga qarab belgilanadi. Bunday bemorlarga shifoxona yoki poliklinika hududida, reabilitatsiya maqsadida davolash komplekslari, profilaktoriyalar va sanatoriy-kurortlar barpo etilgan.