JINSIY YO‘L BILAN YUQADIGAN KASALLIKLAR

Аннотация

Jinsiy a’zolarning yallig‘lanish kasalliklari ginekologik kasalliklar ichida
asosiy o‘rinni egallaydi. So‘nggi yillarda ko‘proq yoshlarda, asosan 15-25 yoshda
uchraydi, u uzoq vaqt kechishiga olib kelib, yallig‘lanish kasalliklari og‘riq
sindromini, bachadonni noto‘g‘ri joylashishi, hayz buzilishini, jinsiy va generativ
funksiyaning buzilishi bilan kechadi.
Ayollar organizmida yallig‘lanish jarayoniga qarshi himoya kuchlar mavjud.
Bular qin dahlizining berkligi, qin shilliq qavati ko‘p qavatli muguzlanuvchi
epiteliy bilan qoplanganligi, bachadon bo‘ynining ichki va tashqi bo‘g‘zi va
syervikal kanalidagi shilliq probkasi, qin shillig‘i tarkibida mikroblarga qarshi
ishlab chiqariladigan IgA antitanachalar.
So‘nggi yillar mobaynida jinsiy yo‘llar bilan tarqaladigan infeksiyalar —
xlamidiyalar, ureaplazmalar, mikoplazmalar, viruslar (sitomegalovirus, oddiy
gerpes virusi) va boshqalar ko‘p uchramoqda.
Ushbu ma’ruzada jinsiy yo‘l bilan yuqadigan kasalliklar tasnifi, etiologiyasi,
qo‘zg‘atuvchisi, klinik belgilari va ularni oldini olish bo‘yicha profilaktik choralar
haqida ma’lumotlar keltirilgan.