ABDULLA AVLONIYNING ASARLARIDA TARBIYA MASALASI

Abstract

"Birinchi muallim" asari Avloniyning pedagogik asarlari qatoriga kiradi. Maktab o‘yquvchilari uchun yangi qo‘llanma tarzida yaratilgan. Asarda bir qancha hikoyatlar keltirilgan bo‘lib, hikoyatlar g‘oyasi o‘quvchilardagi axloqiy sifatlarning mukammal shakllanishida o‘rin tuta oladi. Bu esa ulardan qay yo‘sinda xulosa chiqara olishga bog‘liq. Asarning kirish qismida -- aynan kirish deya keltirilmagan, ammo asarni yozishdan maqsad ifodalangani uchun shunday atadik -- asar nima sababdan yozilgani, kimlar uchun mo‘ljallangani haqida bayon etilgan: "Shoyad millat bolalarina foidabaxsh o‘lur umidinda bir necha muallimlarimizning iltijolari ila ko‘b vaqt tajriba so‘ngidan bu risolayi ojizonamni "Birinchi muallim " ismi-la maydoni intishora qo‘ydim". Asar mana shu sabab dunyoga kelgan. Adib undagi qusur va kamchiliklar uchun uzr xam so‘raydi. Bu tanbehlarni to‘g‘ri qabul qilajagini ta’kidlaydi.