SOG‘IN SIGIRLARGA RATSION TUZISH TARTIBI VA OZUQA ME’YORINI ANIQLASH

Аннотация

Qishloq xo‘jalik hayvonlarini oziqlantirish uchun tuziladigan ratsion hayvonlarning to‘yimli moddalarga (energiya oqsil uglevodlar, yog‘, mineral moddalar va vitaminlar) ga bo‘lgan talabini to‘liq qanoatlantirish lozim. Ratsion tabiiy va madaniy holda etishtiriladigan ozuqalardan tuzilib, ushbu ozuqalar hayvonlarning ishtahasiga mos kelishi, ular tomonidan sevib iste’mol qilinishi kerak. Bundan tashqari ushbu ozuqalar hayvonlarning fiziologik haloti, sog‘ligi va olinadigan mahsuloti hamda uning sifatiga ham salbiy ta’sir ko‘rsatmasligi lozim. Tuziladigan ratsion tarkibida hayvonlarga beriladigan ozuqalar miqdorini shunday tanlash kerakki, ushbu ozuqalar miqdori hayvonlar tomonidan iste’mol qilinganda oson hazmlanishiga zamin yaratishi lozim. Ozuqalarning hajmi va ular tarkibidagi quruq moddalar hayvonlarning ovqat hazm qilish organlari hajmiga mos bo‘lishi, engil hazmlanishi va ichak orqali qon va linfaga engil so‘rilishi talab qilinadi. Ovqat hazm qilish organlarining hajmiga ozuqalarning yetarli miqdorda berilmasligi yoki ozuqalar miqdorining me’yor talabidan ko‘p berilishi ovqat hazm qilish organlarining funksiyasining buzilishiga hamda hayvonlarning umumiy holatiga salbiy ta’sir ko‘rsatadi. Xo‘jaliklarda hayvonlarga ratsion tuzishda hayvonlarning turi, yoshi, jinsi, mahsulot yo‘nalishi, fiziologik holatini inobatga olgan holda o‘rtacha ko‘rsatkichlar inobatga olinib har bir guruh uchun alohida ratsion tuzish tavsiya etiladi. Yuqori mahsuldorlikga ega bo‘lagan hayvonlar  naslli erkak hayvonlar kasal va kasallikdan tuzalgan hayvonlar ilmiy ishlarni o‘tkazishda tajriba o‘tkazilayotgan hayvonlar uchun xo‘jalikda alohida ratsion tuziladi. Ratsion tuzishda ozuqalar tarkibidagi to‘yimli moddalardan unumli foydalanish, hayvonlarning to‘yimli moddalarga bo‘lgan tabiiy talabi hamda oziqlantirish rejimini ham e’tiborga olish zarur. Ratsion tuzishda quyidagi prinsiplarga amal qilinadi. Hayvonlarni alohida yoki guruh-guruh holda oziqlantirish usuli. Ozuqalarning to‘yimliligi to‘g‘risidagi ma’lumotlar va boshqalar. Qanday bo‘lmasin barcha hollarda ratsion tuzishda quyidagilarga alohida e’tibor qaratish lozim bo‘ladi.