ATEROSKLEROZ VA YURAK ISHEMIK KASALLIKLARI. USHBU KASALLIKLARNI ZAMONAVIY DAVOLASH USULLARI

Аннотация

Annotatsiya:  Ko’p klinik va epidemiologik tekshiruvlardan ma’lumki, aholi o’rtasidagi o’limning asosiy sababchilaridan biri bu – yurak qon-tomir kasalliklari hisoblanadi. Yurak qon-tomir kasalliklari (nostabil stenokardiya, miokard infarkti, insult) ko’p davlatlarda, shu jumladan O’zbekistonda ham nogironlik va o’limning asosiy sababchilaridan biri bo’lib qolmoqda. Shu bois yurtimizda ularning oldini olish, erta aniqlash va samarali davolash, aholiga ko’rsatilayotgan kardiologik va kardiojarrohlik xizmatlar sifatini yanada yaxshilashga alohida e’tibor qaratilayotir.

Tasavvur qiling-a, yurak hajmi bo’yicha mushtdan kattaroq emasligiga qaramay bu ajoyib organ har kuni deyarli 100 ming kilometr uzunlikdagi tomirlar va kapillyarlar orqali tonnalab qonni inson tanasiga haydab bera oladi. Hatto, dam olish paytlarida ham yurak faol bo’ladi. Ammo ayni paytda u juda mo’rt, shu sabab e’tibor talab etadi.

Ushbu maqolada eng ko’p uchraydigan yurak kasalliklari – yurakning ishemik kasalligi va uning asosiy sabablaridan bo’lgan ateroskleroz kasalligi hamda ushbu kasalliklarni zamonaviy davolash usullari haqida ma’lumotlar berilgan.